Continue reading »]]> القلم کے ایک رکن صغیر احمد صعودھری کا تعلق بنگلہ دیش سے ہے ان کا کہنا تھا کہ بنگلہ دیش میں قرآن کریم کی طباعت کے لیے جو ٹائپ فیس استعمال کیا جاتا ہے وہ عوام الناس میں بہت مقبول ہے نیز یہ ٹائپ فیس یونی کوڈ فانٹس میں دستیاب نہیں ۔ دراصل یہ پرانے وقتوں کا ٹائپ تھا جو کہ ایک ایک حرف کو جوڑ کر ٹریڈل مشینوں پر طباعت کی جاتی تھی ۔

Click this bar to view the full image.

میں نے ان نے اس قرآن کریم کے چند صفحات سکین شدہ طلب کیے اور پھر ان کی فرمائیش پر برادرم اشتیاق علی قادری کی مدد و تعاون سےیہ فونٹ بنا ڈالا کو گہ خطاطی کے اعتبار سے یہ کوئی خوبصورت فونٹ نہیں لیکن بنگلہ دیشی عوام کی پسندیدگی کو مد نظر رکھتے ہوئے ان کے لیے یہ تحفہ پیش ہے

ڈاون لوڈ کے لیے یہاں کلک کریں

Continue reading »]]> اردو محفل پر محترم نعیم سعید نے ایک مراسلہ کے ساتھ مدینہ قرآن کمپلیکس کے ایک ماہر فونٹ ساز کے کچھ قرآنی فونٹس ریلیز کیے ہیں جو کہ میں القلم اور جہان قلم کے قارئین کے لیے نعیم سعید کے مراسلہ کے اقتباس کے ساتھ پیش کر رہا ہوں:

نعیم سعید;

لسلام علیکم!
آج اہلیان محفل کے لیے ایک تحفہ لایا ہوں۔ امید ہے سب کو پسند آئے گا۔
جی تو یہ پانچ عدد برصغیری طرز کے یونی کوڈ ’’عربی فونٹس‘‘ ہیں، جن میں ’’قرآنی‘‘ سپوٹ بھی موجود ہے، ایک خط لگیچر بیس ہے جو صرف قرآن کے لیے ہی تیار کیا گیا ہے۔ اور باقی چار خطوط سے ہر طرح عربی عبارات بھی لکھی جاسکتی ہیں۔ ساتھ ہی ان فونٹس کے مطابق کمپوز شدہ قرآنی متن کی فائلیں بھی موجود ہیں، اور انہیں استعمال کرنے کی تفصیل بھی فونٹس کے ساتھ ہی موجود ہے۔ اس فونٹ پیک میں ان قرآنی فونٹس کے علاوہ ڈیزائن سمبل وغیرہ کے چند فونٹس بھی شامل ہیں۔
دراصل میں تو یہ فونٹس صرف آپ دوستوں کی خدمت میں پیش کرنے والا ہوں، یہ ساری محنت تو ہمارے ایک بہت ہی محترم دوست ’’اشفاق نیازی‘‘ صاحب کی ہے، ویسے تو ابھی میں خود بھی ان کے بارے میں بہت تھوڑا جانتا ہوں، صرف چند ایک بار میل کے ذریعے ہی ان سے رابطہ ہوا ہے۔ انشاء اللہ میں ضرور کوشش کروں گا کہ مزید معلومات حاصل کر کے ان کا مکمل تعارف یہاں پیش کرسکوں۔ ابھی اس وقت تو ان کے تعارف کے لیے ان کے کیے ہوئے کام کو پیش کیا جا رہا ہے۔ اہل نظر اسی سے اندازہ لگا لیں گے۔ ماشاء اللہ وہ کن صلاحیتوں کے مالک ہیں۔
اشفاق نیازی صاحب کا تعلق پاکستان سے ہے اور سعودی عرب میں ’’کنگ فہد قرآن کمپلیکس‘‘ میں ہوتے ہیں، شاید فونٹ سازی کے شعبہ سے ہی وابستہ ہیں، کچھ عرصہ قبل راسخ کشمیری بھائی نے ایک خوبصورت عربی فونٹ ’’عثمان طہ نسخ‘‘ پیش کیا تھا جس کی تفصیل درج ذیل لنک پر موجود:
http://www.urduweb.org/mehfil/showthread.php?t=18708
یہ فونٹ بھی ’’اشفاق نیازی‘‘ صاحب ہی کا بنایا ہوا ہے۔ بلکہ ان سے میرے رابطہ کا سبب بھی ان کا یہی فونٹ ہی بنا، دراصل مجھے اسی فونٹ کے بولڈ ورژن کی تلاش تھی، کوشش کے باوجود کہیں سے نہ ملا، راسخ بھائی کے فورم نے ان کے نام کا پتہ چلا اور ایک اور فورم سے ان کا ای میل ایڈریس ملا، یوں رابطہ کے دو دن بعد جناب نے ’’عثمان طہ‘‘ فونٹ کا بولڈ ورژن بھی مہیا کر دیا۔ اور ان شاء اللہ عن قریب ’’عثمان طہ‘‘ فونٹ کا ’’قرآنی‘‘ ورژن بھی پیش کرنے والے ہیں۔ جس سے متعلق تفصیل درج ذیل لنک پر دیکھی جاسکتی ہے:
http://fonts.qurancomplex.gov.sa/
دو دن پہلے قرآنی فونٹ بنانے کے سلسلے میں کچھ مشورہ کے لیے ان سے رابطہ کیا تو ’’اشفاق صاحب‘‘ نے حوصلہ افزائی اور راہنمائی کے ساتھ ساتھ ان خوب صورت فونٹس کا ’’ہدیہ‘‘ بھی دیا، جنہیں دیکھ کر مجھ سے رہا نا گیا اور میں نے ان سے ان فونٹ کو محفل پر عام کرنے کی اجازت چاہی، الحمد للہ انہوں نے خوشی کے ساتھ اجازت دے دی۔
فونٹس کے چند اسکرین شاٹس:

اور اب یہ قرآنی فونٹس ’’اشفاق نیازی‘‘ صاحب کی طرف سے میرے ذریعہ قبول اہلیان محفل قبول فرمائیں۔ چیک کریں اور پھر اپنی رائے بھی دیں

فونٹ ساز	فونٹ کا حجم	کیفیت	فونٹ کا نام
اشتیاق نیازی	(11.07 میگابائٹ)	قرآن حکیم کی کتابت کے لیے مکمل اعراب کی سہولت کے ساتھ، بمع کی بورڈ و مکمل متن قرآن حکیم ورڈ فائلوں کی صورت میں بشمول انسٹالیشن گائیڈ	Qcs قرآن فونٹس

فونٹ ڈائونلوڈ کریں

Continue reading »]]> السلام علیکم ،
میں اس تھریڈ میں القلم قرآن فانٹ فار ویب ریلیز کر چکا ہوں۔ اس ریلیز کے بعد کلین ٹچ کے شاہد عارف صاحب کی طرف سے متن و فانٹ میں کچھ مسائل کا اظہار کیا گیا تھا۔ جس پر کچھ عرصہ کے تبادلہ خیال کے بعد اتفاق رائے سے قابو کر لیا گیا ہے۔ الحمدللہ
یہ ریلیز خاص طور پر کلین ٹچ کے خزائن الہدایت سافٹوئیر کے ویب و ڈیسکٹاپ ورژن کو مد نظر رکھ کر جاری کی جا رہی ہے۔ خاص تبدیلیاں:

۔۔فانٹ کا نام: Al Qalam Quran 2 اور Al Qalam Quran 2A رکھ دیا گیا ہے۔ تا کہ خزائن الہدایت کے پہلے ورژن والے متن کیساتھ کلیش نہ ہو!
۔دو سطور کے درمیان اضافی فاصلہ
۔متن میں بعض جگہوں پر علامت حاشیہ کی دوسری اشکال کا اضافہ

مختلف براؤزر میں‌نمونہ جات:

اوپرا اور گوگل کروم میں آنے والے مسائل (آیات کے نشانات) کا تعلق سافٹوئیر کمپیٹیبلیٹی سے ہے۔ مجھے یاد ہے کہ فائر فاکس کے پرانے ورژنز میں بھی یہی مسئلہ تھا، جس پر بگ فائل کرنے پر اسکو درست کر دیا گیا۔ امید ہے دوسرے سافٹوئیر ونڈرز اس پر توجہ دیں گے۔
انشاءاللہ ہمارا اگلا وژن مکمل متن قرآنی کو لگیچر بیسڈ کرنا ہوگا۔ جس سے اسکی خوبصورتی میں کہیں گنا اضافہ ہوگا۔ خاکسار تمام دوستوں و رضاکار کارکنان کا تہے دل سے شکر گزار ہے جنہوں نے اس کٹھن کام کی تکمیل کیلئے رات و دن محنت کی۔
ریلیز میں شامل کر دہ فائلوں میں ؛اپڈیٹڈ فانٹس، متن قرآنی مختلف فارمیٹس(ورڈ، ایچ ٹی ایم ایل، ریچ ٹیکسٹ)، یونی اسکرائب کا وولٹ شپڈ ورژن و ریپلیس کا طریقہ، نیز خزائن الہدایت کیبورڈشامل ہے:

ڈاؤن لوڈ	حجم	رومن نام	اردو نام
	(68 کلوبائٹ)	AlQalam Quran Fonts	القلم قرآن فانٹ فار ویب اپڈیٹ، بمع کیبورڈ و متن

Continue reading »]]> القلم قرآن فانٹ﴿ویب﴾ریلیز

کافی انتظار کے بعد آج بالآخر القلم قرآن فانٹ کا ویب بیسڈ ورژن پیش کیا جاتا ہے۔ پچھلے ورژنز میں ویب کی کمپیٹیبلیٹی کا سامنا تھا کیونکہ اسکی انٹرنل پروگرامنگ کافی کمپلکس تھی۔ اب قرآن پبلشنگ سسٹم کے علامات و آیات لگیچرز کی مدد سے اسکو الحمدللہ مشہور ویب براؤزرز( انٹرنیٹ ایکسپلورر اور فائر فاکس) پر سو فیصد درستگی کیساتھ چلنے کے قابل بنا لیا گیا ہے!

انٹرنیٹ ایکسپلورر 8

فائرفاکس 3،5

کلین ٹچ سافٹوئیر والوں کے فراہم کر دہ پروف ریڈڈ قرآنی متن کے اندر ہی کچھ تبدیلیاں کرکے اسکو یہاں فراہم کیا جا رہا ہے۔ یوں نور ہدایت / نور حرا فانٹس کے بعد القلم قرآن فانٹ کو مکمل برصغیری اسٹینڈرڈ کے مطابق ویب بیسڈ فانٹ بننے کی سعادت نصیب ہوئی ہے۔ انشاءاللہ مستقبل قریب میں اسی فانٹ کے سورس پر مزید خوبصورت خطاطی والے فانٹس میسر ہوں گے۔ یاد رہے کہ اس پیکج میں دو فانٹ فائلز ہیں۔ اپنے ورڈ پروسیسر میں متن اسلیکٹ کرکے اٹالکس دبانے پر آیات کے نشانات کی شکل تبدیل کی جا سکتی ہے! :

نیز ساتھ میں حفظ ماتقدم کے تحت یونی اسکرائب کا نیا ورژن بھی شامل کر دیا ہے۔ اسے اپنے سسٹم اور آفس ۲۰۰۷ کی ڈائرکٹری میں‌پیسٹ کرنے سے بہتر پر فارمنس ہو جائے گی!
اس فانٹ کو اپنی سائٹ ، بلاگز پر ٹیسٹ کرکے فیڈ بیگ دیں۔ متن میں اگر کوئی غلطی رہ گئی ہو تو اسکے متعلق بھی مطلع کر دیں۔ گو ہمنے اپنی طرف سے اسکو کئی بار پروف ریڈ کیا ہے۔
ربط:

ڈائون لوڈ کریں

Continue reading »]]>

AlQalam Quran Majeed Fonts

القلم قرآن مجید فانٹس
القلم اور اردو محفل کے رکن جناب عبد المجید صاحب قرآن مجید کیلئے ایک فانٹ القلم قرآن مجید فانٹ شائع کرنے کی سعارت حاصل کر رہے ہیں۔ ۔ یہ فونٹ المجید قرآنک فونٹ کا اپڈیٹ ورژن ہے جسمیں کافی سارے مسائل حل کیئے گئے ہیں ۔ پچھلے ورژن میں اردو کے حروف کیلئے سپورٹ مکمل نہیں تھا خصوصا بڑی ے کیلئے اس ورژن میں بڑی ے کے کرننگ کے مسئلے کو حل کرنے کی کوشش کی گئی ہے ساتھ میں اس ورژن میں اعراب کے ٹکرانے ، حروف کے ٹکرانے کے مسائل حل کیئے گئے ہیں ، فونٹ میں پشتو کے الفاظ بھی شامل کیئے گئے ہیں نیز کئی اشکال کو تبدیل کیا گیا ہے مثلا بعض حروف کے ساتھ الف فائنل کی شکل تبدیل کی گئی ہے ب کشتی کی ابتدائی شکل تبدیل کی گئی ہے ۔نئے اپڈیٹ میں فونٹ کے تین ورژن شامل کئے گئے ہیں ورژن کی تبدیلی آیات نمبرز کے نشان کی تبدیلی پر منحصر کی گئی ہے فونٹ کے تین ورژنز کے نام یہ ہے۔
القلم قرآن مجید
القلم قرآن مجید 1
القلم قرآن مجید 2

ذیل میں جناب عبدالمجید کے مراسلہ کا ایک اقتباس دیا جا رہا ہے
بعض دوستوں نےفونٹ میں آیات کے نشان کو عثمانی رسم الخط کے آیات کے نشان کے نمونے پرکرنے کی خواہش کی تھی جبکہ میں نے اپنی طرف سے القلم قرآن فونٹ کے آیت کانشان بھی اسمیں شامل کیا ہے۔ آیات کے دائرہ نشان کیلئے القلم قرآن مجید ،آیات کے بیضوی نشان کیلئے القلم قرآن مجید 1، آیات کے عثمانی رسم الخط کےنشان کیلئے القلم قرآن مجید 2 استعمال کیا جاسکتا ہے۔ احباب کے سہولت کیلئے فونٹ کا آیات کے دائرہ نشان کو پرانے نام سے بھی ڈاونلوڈ کیلئے شامل کیا گیا ہے تاکہ خزائن الہدایت پروگرام میں استعمال کیا جاسکے فونٹ کے اپڈیٹڈ ورژنز خزائن الہدایت پروگرام کے  قرآن پاک کے متن ساتھ بغیر کسی ایرر کے استعمال کیا جاسکتا ہےالبتہ دوستوں کے سہولت کیلئے ڈاونلوڈ میں قرآن پاک کا مکمل متن ، فونٹ کا سمپل سورۃ الفاتحہ کے ورڈ فائل میں جسمیں فونٹ کے تینوں ورژنز کو استعمال کیا گیا ہے ، اسی ورڈ فائل کا پی ڈی ایف ورژن اور ساتھ میں خزائن الہدایت   کے ساتھ دستیاب قرآنی کیبورڈ جوکہ اس فونٹ کے ساتھ استعمال کیا جاسکتا ہے دستیاب ہے۔ میں اس ریلیز کے موقع پر اپنے دوستوں جناب شاکر القادری بھائی اور محترم عارف کریم کا شکریہ ادا کرونگا جنہوں نے فونٹ کے مسائل حل کرنے میں تعاون اور راہنمائی کی ہے۔ آخر میں آپ احباب سے درخواست ہے کہ فونٹ استعمال کرتے وقت میرے والد محترم(مرحوم ) کو اپنے دعاؤں میں یاد رکھیئے گا۔ شکریہ

نوٹ:
المجید قرآنک فونٹ کے ریلیز پر کچھ دوستوں نے اسکے نام کے سلسلے میں مشورہ دیا تھا کہ فونٹ کیلئے المجید قرآنک فونٹ نام مناسب نہیں ہے لہذا اسکا نام اس اپڈیٹ میں تبدیل کردیا گیا ہے ۔یاد رہے کہ آئندہ اپڈیٹس میں المجید قرآنک فونٹ کے نام سے فونٹ کی سپورٹ ختم کردی جائے گی لہذا ڈویلپر حضرات سے استدعا ہے کہ اپنے پروگرامز میں فونٹ کے نئے نام شامل کریں۔فونٹ کا اپڈیٹ ورژن پرانے نام سے خزائن الہدایت پروگرام کیلئے۔

گر قبول افتد زہے عز و شرف

ڈاؤن لوڈ	حجم	رومن نام	اردو نام
	(240 کلوبائٹ)	AlQalam Quran Majeed	القلم قرآن مجید