Continue reading »]]> Importing EPS glyphs into Font Creator

Continue reading »]]> Nastaleeq: A challenge accepted by Omega
Atif Gulzar, Shaiq ur Rahman
Center for Research in Urdu Language Processing,
National University of Computer and Emerging Sciences, Lahore, Pakistan

مترجم کا نوٹ:
ٹیکسٹ ٹائپ سیٹینگ کا ایک نظام ہے اس میں فونٹ کی تفصیل کے لئے مٹافون پروگرامی لینگویج اور کمپیوٹر کی ‘ ماڈرن ٹائپ فیس فیملی’ استعمال کی گئی تھی۔ اس کے دو مقاصد تھے۔ ایک ، اس کی مدد سے کوئی بھی شخص عمدہ کتاب بناسکے گیا۔ دوسرا اس نظام کی مدد سے ہر کمپیوٹر پر ٹائپ سیٹینگ کے نتائج آج اور مستقبل میں بھی ایک ہی ہوں گے ۔ یہ تقریبا دنیا کی تمام زبانوں کی کتابت میں استعمال ہوتا ہے
Ω ,ٹیکس کی ایک اختراع ہے جو یونی کوڈ کی بنیادی زبانیں استعمال کرتا ہے یہ زبانوں کی ترویج کے لیے بنایا گیا تھا۔ اومیگا ، پیچیدہ ریاضی فارمولوں کی ٹائپ سیٹنگ کی کے لیے دنیا کا سب سے اچھا سسٹم ہے۔
ٹائپ سیٹینگ کی ایک ٹیکنالوجی ہے اور اس میں پہلے کے تمام نظاموں کی کامیاب خصوصیات موجود ہیں۔
Pango ، ٹیکسٹ کی آدائیگی کے لیے کی مختلف آلات کا مجموع ہے۔ پانگو، ہر اس جگہ استعمال کیا جاسکتا ہے کہاں ٹیکسٹ لے آوٹ کی ضرورت ہے۔ یہ فائر فاکس اور فیڈورا براوئزر میں بھی ٹیکسٹ کی آدائیگی کے لیے استعمال ہوتا ہے

فی الجملہ

اردو زبان صرف پاکستان کی مشترکہ بولی ہی نہیں بلکہ قومی زبان بھی ہے۔ اردو کا رسم الخط عربی اسکریپٹ سے لیا گیا ہے اور لکھنے میں نستعلیق اسٹائل استعمال ہوتا ہے۔اس خط میں لکھنے کی پیچیدگی کی وجہ سے اس کا شمار دنیا کے مشکل ترین رسم الخطوط میں ہوتا ہے۔ اس کے علاوہ نستعلیق میں سیاقی تابعیت ہے ۔ خط وتری ہے اور دائیں سے بائیں سمت میں لکھا جاتا ہے۔ بعض صورتوں میں حروف کا ایک دوسرے کو ڈھانکنے کی وجہ سے نقطوں کی جگہ اور کرنینگ مشکل ہوجاتی ہے۔

تعارف

اردو کے چھ کروڑ بولنے والے بیس ممالک میں رہتے ہیں [1] ۔ اس کا لکھنے کا انداز عربی رسم الخط سے نکلا ہے۔ عربی رسم الخط میں لکھنے کے کئی اسٹائل ہیں۔ ان میں نسخ، ثلث، رقعہ، اور دیوانی یہاں دیکھائے گئے ہیں۔ اردو کو ان میں سے کسی بھی اسٹائل میں لکھا جاسکتا ہے۔ لیکن نستعلیق اسٹائل اردو کو لکھنے کا معیار بن چکا ہے ۔ چودھویں صدی میں میرعلی تبریزی نے نسخ اور تعلیق خطوط کو ملا کر نستعلیق بنایا تھا ( پرانےغیر مستعمل اسٹائل ) [ 2]

1.1 ۔ نستعلیق اسٹائل کی پیچیدگی

نستعلیق اسٹائل، عربی رسم الخط پر منحصر تمام اسٹائلوں میں سب سے ذیادہ پیچیدہ ہے۔ نستعلیق کے وہ نمایاں فیچرز جو اس کو پیچیدہ کرتے ہیں مندرجہ ذیل ہیں:
دوسرے عربی اسٹائلوں کی طرح نستعلق بھی ترچھا ہے ۔ مگر یہ خط وتری ہے اور دائیں سے بائیں، اوپر سے نیچے لکھا جاتا ہے جیسا کہ تصویر نمبر 2 میں دیکھایا گیا ہے۔

ہندسے بائیں سے دائیں لکھے جاتے ہیں جس کی وجہ سے اور بھی پیچیدگی پیدا ہو جاتی ہے۔ تصویر نمبر 2A

ذیادہ ترعربی خطوط کے اسٹائلوں ( خاص طور پر ان اسٹائلوں کے ڈیجیٹائیز فونٹس ) میں، لفظ میں ہرحرف کی ، جگہ کے لحاظ سے چار اشکال ہیں ( علاحدہ ، ابتدائی، درمیانی اور حتمی ) ۔ حرف ب U+0628 کو جب لگیچر میں رکھا جاتا ہے تو اس کی چار پوزیشن (a) علاحدہ (b) ابتدائی (c) درمیانی (d) حتمی ہیں ۔ جیسا کے جدول 1 میں بتائی گئی ہیں۔

نستعلیق میں بہت زیادہ سیاقی تابعیت بھی ہے۔ حرف کی شکل نہ صرف لگیچر میں ا س کی جگہ کے لحاظ سے بلکہ اپنے برابر کے حروف کی بناء پر بھی تبدیل ہوتی ہے۔ یہ زیادہ تر اس کے بعد میں آنے والےحرف کی وجہ سے ہے۔ جدول 2 میں* ب کی یہ تبدیلیاں مختلف سیاق میں دکھائی گئی ہیں – نستعلیق میں ایک حرف کی پچاس تک اشکال ہوسکتی ہیں۔

نستعلیق میں کچھ گلیف ایک دوسرے پر آجاتے ہیں۔ یہ گلیف کرنینگ ، واجب تناسب اور نقطہ کی جگہ کا تعین مشکل بناتے ہیں۔ جیسا کہ تصویر 3 میں دیکھایا گیا ہے۔

جیسا کہ تصویر4 میں بتایا گیا ہےکہ لگیچر کی کرنینگ کرنی ہوتی ہے تاکہ ان کا پچھلے لگیچر سے تصادم نہ ہو۔

نستعلیق اسٹائل میں تناسبی فاصلہ بہت اہمیت رکھتا ہے۔ لگیچر کا وتری ہونا دو لگیچر کے درمیان وائٹ اسپیس پیدا کرتا ہے۔ اس مسئلہ کو حل کرنے کے لیے صحیح کرنینگ ضروری ہے۔ تصویر نمبر 5

ایک دوسرا اہم سوال یہ ہے کہ نقطہ کہاں لگایا جائے۔ نقطے سیاق کی مناسبت سے لگائے جاتے ہیں تاکہ ان کا دوسرے نقطوں اور گلیف کی حدود سے تصادم نہ ہو۔ جیسا کہ تصویر 6 میں دیکھایا گیا ہے کہ گلیف کی حدود (b) اور نقطوں میں تصادم سے بچنے کی لیےنقطوں کو ان کی اصلی جگہ پر لگانے کے بجائے نچلی طرف کردیا گیا ہے(c).
موجودہ حل

نستعلیق خط کو ڈیجیٹائیز کرنے کے لیے دو طریقے اختیار کیے گئے ہیں۔ ایک کی بنیاد لگیچر ہے اوردوسرے کی حرف پر ۔ دونوں میں کمزوریاں ہیں۔ اب تک لگیچر پر منحصر مسلط حل نوری نستعلیق ہے۔ اس میں بیس ہزار لگیچر ہیں [2] ۔ اس فونٹ کے استعمال کے حقوق انپیج سافٹ ویئر کو ہیں۔ دوسرا امید افزا حل حرف پر منحصر اوپن ٹائپ فونٹس ہیں۔ یہ فونٹ لگیچر بنانے کے لیے اوپن فائٹ ٹیکنالوجی استعمال کرتے ہیں۔ اوپن ٹائپ فونٹ کا حل نستعلیق خط کے لیے آہستہ ہے۔ اور اس میں تناسبی فاصلہ کا مسئلہ بھی ہے۔

نستعلیق کی ادائیگی کے موجود حل بھی کافی نہیں ہیں کیونکہ ان میں پیچیدہ نستعلیق رسم الخط کو تمام پلیٹ فارم پر ہم آہنگی سے کام کرنے کی کمی ہے ۔ یہ کمی اس لیے ہے کہ ان کی ادائیگی ایک پلیٹ فارم سے دوسرے پر مختلف نتایج پیدا کرتی ہے ۔ اس وقت نستعلیق کا موجود حل ونڈوز کے پیلٹ فارم پر صحیح کام کرتا ہے۔ Pango کا حل سہل پسندانہ ہے۔ اس میں ابتدائی ، درمیانی اور حتمی اشکال کی سیاقی تابعیت کو اوپن ٹرو فونٹ میں نظر انداز کردیاگیا ہے – یہ اُن حل سے بہتر نہیں جن میں حرف کی ابتدائی، درمیانی اور حتمی کی جگہوں پر ایک شکل مقرر ہے جو کہ یونی کوڈ سے کی گئی ہے۔ یہ حل عربی پریزنٹیشن فارمز میں استعمال کیا گیا ہے۔ روایتاً اردو نستعلیق ہے اس کا انحصار ایک پلیٹ فارم پر نہیں ہونا چاہیے۔

یہاں ہم اومیگا ( Ω ) کو استعمال کرکے لینکس آپریٹینگ سسٹم پر نستعلیق کی صحیح ادائیگی کا حل پیش کر رہے ہیں۔ Ω کی بنیاد ٹیکس ٹائپ سیٹینگ پر مبنی ہے اور نستعلیق کی پیچیدگیوں کو حل کرنے کے لیےاومیگا ٹرانسلیشن پروسس ایک ذریعہ مہیا کرتا ہے۔ [4]
موجودہ حل اردو کے بنیادی حروف ‘ الف ‘ (U+0627) سے ‘ یے ‘ (U+06D2 ) اور نمبر 0 سے 9 تک محدود ہے۔ یہ حروف تہجی ضمیہ A میں پیش کئے گئے ہیں۔ اس حل میں یہ سہولتیں پیش کی گئی ہیں۔

صحیح گلیف حرف کی سیاقی بنیاد پر پیش کئے جائیں

گلیف کے لیے صحیح ‘ ترچھا جوڑ’ دیا جائے

نقطہ کی صحیح جگہ

اور اعداد کی دائیں سے بائیں اور بائیں سے دائیں لکھنے کی خود کار سہولت

۔ طرائق

اومیگا سے نستعلیق کی پیچیدگیوں کو حل کرنے کے دو ممکن طریقے ہوسکتے ہیں۔ اندرونی اور بیرونی اومیگا ٹرانسلیشن پروسس ۔

یہ مشاہدہ کیا گیا ہے کہ اندرونی اومیگا ٹرانسلیشن پروسس نحو پر منحصر ہے ۔ مثال کے طور اندرونی اومیگا ٹرانسلیشن پروسس ترتیب الفاظ پر منحصر ہیں۔ اس لیے کریکٹر اور گلیفس کی لگیچر میں الٹی پروسیسینگ ناممکن ہونے کی حد تک دشوار ہے۔ بیرونی بیرونی اومیگا ٹرانسلیشن پروسس C اور ++C یا Perl پروگرامینگ لینگویج میں ہوسکتا ہے۔ اس طرح جون پلائیس اور یانس ہارالامبوس کی میں دی ہوئی منطق [4] آسانی سے استعمال ہو سکتی ہے

وسیع بنیاد پر حل کو چار مرحلوں میں تقسیم کیا جاسکتاہے۔

پہلے مرحلہ میں ہم نستعلیق کی ادائیگی کے لیے اومیگا مجازی فونٹ بنانے کا جائزہ لیں گے۔

دوسرے اور تیسرے سیکشن میں ہم سیاقی اشکال کا چننا اور ان چنے ہوئے اشکال کا مسطح جوڑ کا جائزہ لیں گے ۔

چوتھے سیکشن میں سیاقی نقطہ کی پوزیشن پر گفتگو کریں گے جو کہ نستعلق کی ادائیگی میں سب سے مشکل جزو ہے۔

2.1 نستعلق کے لیے ایک اومیگا مجازی فونٹ

نفیس نستعلیق ٹرو ٹائپ فونٹ سے اومیگا کی ایک مجازی فونٹ فائل سے تخلیق کی گئی ۔ اس میں نستعلیق کی ادائیگی کے لیے827 گلیف استعمال ہوئے۔ ان گلیف کو چار مختلف ٹائپ 1 فائل میں رکھا گیا۔ اور ا ن سے چار مختلف ٹی ایف ایم تخلیق کی گئیں۔ اومیگا پروگرام میں صرف ایک فائل nafees.ofm استعمال کی گئی جس میں دوسری چار فائل کےاشارات ہیں

2.2 بدلنے یا عِوض کی منطق

نستئعلیق میں بہت ذیادہ سیاقی تابعیت بھی ہے۔ حرف کی شکل نہ صرف لگیچر میں پوزیشن کے لحاظ سے بلکہ اپنے برابر کے حروف کی بناء پر بھی تبدیل ہوتی ہے۔ یہ ذیادہ تر اُس کے بعد میں آنے والےحرف کی وجہ سے ہے۔ مشاہدہ یہ ہے کچھ صورتوں کے علاوہ لیگیچر میں حتمی حرف کی شکل حتمی حرف سے پہلے والی حرف پر منحصر ہے۔ مثال کے طور پر حرف ر ( U+0631) میں دو گلیف ہیں۔

اسی طرح U+0631, U+0691, U+0632, U+0698, U+0642, U+0648 and U+06CC کے حتمی گلیفس اس سے پہلے لگیچر کےحتمی گلیف پر انحصار کرتے ہیں۔

صحیح گلیف کو چننے کے لیے اردو پڑھنے کے دائیں سے بائیں طریقہ کے بجائے لگیچر پر بائیں سے دائیں عمل کیا جاتا ہے۔ اس حل میں حرف کا ابتدائی اور درمیانی شکل کے دو look up table ، ابتدائی اور درمیانی کی سیاقی کرنینگ حاصل کرنے کے لیے استعمال کیے جاتے ہیں۔ ان جدول کی فارمیٹ جدول نمبر3 میں ظاہر کی گئی ہے۔

جدول کی پہلی سطر میں یونی کوڈ قدریں ہیں۔ باقی سب اِشاریات ہیں جو فونٹ میں مماثل اشکال کی طرف اشارہ کرتے ہیں۔ ہر ایک حرف جو پہلی سطر میں درج ہے ۔ اس کی شکل کا فیصلہ پہلے کالم میں اُس کے بعد آنے والی شکل کو دیکھ کر کیا جاسکتا ہے۔

حتمی حرف کی شکل کے لیے دو اور جدول استعمال کیےگئے ہیں۔ final1 دو حروف کی اِجتماعات کے لیے اور final 2 دو سے ذیادہ حروف کی اِجتماعات کے لیے ۔ ان کی ضرورت اس لیے ہوئی کیونکہ حتمی شکل اپنےانتہائی داہنی طرف کے حرف پر منحصر ہے اور کیونکہ حرف کے لیے صرف دو ممکنات ہیں۔ یا تو یہ اپنے ابتدائی شکل میں دو حرف کا اجتماع ہے یا پھر درمیانی شکل میں دو سے ذیادہ حرف کا اجتماع ہے۔

فائنل جدول کی فارمیٹ دوسرے جدولوں سے ذرا مختلف ہے۔ اس کے پہلے کالم میں یونی کوڈ قدریں بھی ہیں کیونکہ شروع میں صرف یونی کوڈ قدریں ہی میسر ہیں۔

حتمنی حرف کی شکل پہلے کالم میں موجود اِن پٹ اسٹرینگ کے ‘ آخری – کم – ایک ‘ حرف سے حاصل ہو سکتی ہے۔
‘بدلنے‘ کے طریقے میں اِن پٹ اسٹرینگ کو لگیچر اسٹرینگ میں تقسیم کیا جاتا ہے۔ اس کے بعد لگیچر پر بائیں سے دائیں ذیل میں دیا عمل کیا جاتا ہے۔
اس لگیچر جس کی لمبائی n ہو تو nth حرف کی شکل فائنل جدول دیکھ کر پتہ کی جاسکتی ہے۔

جہاں ‘ lig string ‘ میں لیگیچر میں موجود حروف کی یونی کوڈ قدریں ہیں ۔ اور ‘ ligature string‘ میں حروف کی اشکال ہیں ۔
باقی دو n – 2 حروف کے لیے وسطی جدول میں دیکھا گیا ہے۔ جہاں nth حرف کی شکل وسطی جدول میں اسطرح ملتی ہے۔

جہاں ‘ایم آر کمپریس‘ کمپریسڈ وسطی جدول ہے۔

لیگچر کی پہلی حرف کی شکل اولین جدول میں پائی جاتی ہے۔
آخیر میں یہ دیکھا جاتا ہے کہ لیگیچر میں اعداد موجود ہیں یا نہیں۔ اعداد ہونے کی صورت میں اسٹرینگ کا رخ بدل کر شائع کیا جاتا ہے۔ تاکہ اعداد کو بائیں سے دائیں پڑھا جا سکے۔

2.3 . مقام کا تعین

نستعلیق، ترچھا اور وتری اسائل ہے جو دائیں سے بائیں اور اوپر سے نیچے لکھا جاتاہے ۔ نستعلیق کی بیس لائن مستقیم نہیں ہے بلکہ ہرگلیف کی بیس لائن کا دارمدار اس کے بعد کےگلیف کی بیس لائن پر ہوتا ہے۔ اسی طرح ایک مخصوص گلیف کے مقام کا تعین اس کے بعد آنے والےگلیف پر ہے۔

‘ ٹیکس’ میں حرف کی اشکال سے متعلق پروگرام موجود نہیں ہے۔ اس میں صرف باکس کی لمبائی ، چوڑائی اور گہرائی سےمتعلق الگورتھم ہیں۔ ‘ ٹیکس’ کےحاصل میں باکسوں میں سلسلہ بندی کی ایکٍ فہرست ہے۔ یہ سمجھ لیا گیا کہ یہ سب باکس ایک ہی بیس لائن پر ہیں۔ مگر ان باکسوں کو اوپر نیچے ، دائیں بائیں کیا جاسکتا ہے

ہمارے طریقے میں اس گلیف ڈیٹا فائل میں یہاں گلیف رکھے گئے ہیں۔ ُپروگرام کا داخلہ کی اور رُخصَتی کا مقام پہلے ہی سے مقرر کردیتے ہیں ۔ داخلہ اس جگہ پر ہوگا جہاں فوری دائیں طرف کا گلیف جڑتا ہے اور رُخصَتی جہاں پر فوری بائیں طرف کا گلیف جڑتا ہے۔

اوہر کی مثال میں سیدھے ہاتھ کے گلیف کی عمودی تطبیق y2-y1 ہوگی۔ نتیجہ تصویر نمبر 10 میں دیا گیا ہے

اسی طرح دو گلیف کے درمیان افقی تطبیق بھی کیا جاسکتاہے۔

لگیچر میں گلیف کی صحیح پوزیشن کے لیے پروگر١م کو دہرانا ضروری بے۔ لگیچر کی عمودی پوزیش کے لیے پر بائیں سے دائیں پروگرام پروسس کیا جاتاہے۔ اسکی وجہ یہ ہے لگیچر کا (آخری) nth گلیف ہمیشہ بیس لائن پر ہوتا ہے۔ جب کہ پروگرام کے داخل ہونے اور رُخصَتی کے حساب سے دوسرے n – 1 گلیف عمودی طرف جاتے ہیں۔

یہاں ‘enex table‘ میں داخلے اور رُخصَتی کے مقام موجود ہیں۔ ‘ligenex table‘ میں حاصل شدہ ترچھے اٹیچمینٹ اور لگیچر جدول میں اشکال کے اشارات ہیں۔
دوسرے پاس میں افقی پوزیشن معلوم کرنے کے لے لگیچر دائیں سے بائیں پروسس کرتے ہیں۔
لگیچر کا پہلا گلیف پچھلے لگیچر کے لحاظ سے افقی پوزیشن میں ہوگا اور باقی n – 1 گلیف کے ہموار جوڑ کے لیےکرنینگ کی جاتی ہے۔

نستعلیق کی ادائیگی میں کرنینگ ایک بڑا مسئلہ ہے۔ دو قسم کے کرنینگ سے متعلق مسائل ہیں ایک میں لگیچر کے درمیان فاصلہ بڑھ جاتا ہے (a) اور دوسرے کی وجہ سے دو لگیچر میں تصادم ہوتا ہے(b)
اس آرٹیکل میں مسئلہ (a) کو شامل نہیں کیا گیا ہے۔ لیکن مسئلہ (b) کو شامل کیا گیا ہے۔

کچھ صورتوں میں بڑی یے (ے , U+06D2) ، جیم (ج , U+062C) اور عین ( ع , U+0639) کے حتمی اشکال سے منفی کرنینگ پیدا ہوتی ہے۔ جس کی وجہ سے پچھلے لگیچر سے تصادم ہوتا ہے۔ اس سے بچنے کے لیے ایک مثبت کرنینگ کی جاتی ہے۔ اس کرنینگ کا جُزوِ ضَربی معلوم کرنے کے لیے اس لگیچر کےحتمی گلیف کی چوڑائی کواس ہی لگیچر کے پچھلے n – 1 گلیفس کی چوڑائی کے میزان سےتفریق کردیتے ہیں۔ جیسا کے تصویر نمبر 4 میں دیکھا گیا ہے۔

جہاں کرن ایک لگیچر جسکی لمبائی n ہے، کے لے مثبت قدر ہے۔ اور [ width [ x نمبر x گلیفس کا کل میزان

2.4 سیاقی نقطہ کو تعین کرنا

نستعلیق کی ادائیگی میں سب سے پیچیدہ مسئلہ سیاقی نقطہ کی جگہ تعین کرنا ہے۔ نستعلیق میں اشکال کا متراکب نقطہ لگانے کی جگہ کو ساکن نہیں کرسکتے۔ اس کو سیاق کی بنا پر لگانا ہوگا۔ اس لیے نقطوں کو بنیادی گلیف سے علحیدہ جمع رکھتے ہیں۔ نقطوں کی وجہ سے دو مسائل پیدا ہوتے ہیں۔
نقطے کا ہمسایہ گلیف سے ٹکراؤ (a) اور نقطہ کا قریبی نقطوں سے ٹکراؤ ۔ جیسا تصویر نمبر13 میں دیکھایا ہے

شروع میں ہر ایک گلیف کےنقطوں کو ان کی فطری حالت میں رکھا جاتا ہے۔ تصویر نمبر 14 اس کے بعد نقطوں میں تطبیق کی جاتی ہے۔

اردو میں 24 حروف ایسے ہیں جن میں نقطوں کا استعمال ہے۔ وہ نیچے دیکھائے گئے ہیں۔ حرف چھوٹی یے (ی , U+064A) میں نقطے کا استعمال اس کی اولین اور متواسط جگہ پر ہے۔

ب ، پ ، ت ، ٹ ، ث ، چ، ح، خ، ڈ، ذ، ڑ ژ ، ش ، ظ، ض ، غ، ف ، ق ، ن ، ی

لگیچر کے اندر نقطوں کا ہمسایہ علامت سے ٹکراؤ کےمختلف وجہیں ہیں ۔ لہذا ہر ایک وجہ کو عحیدہ علحیدہ حل کیا گیا ہے ۔ ہماری تحقیق سے یہ پتہ چلا ہے کہ مندرجہ ذیل حروف کے گلیفس کی شکل نقطے کی پوزیشن پر اثر انداز ہوتی ہے

ے ، ج ، چ ، خ ، ف، ق ، ع ، ک

مثال کے طور یے بڑی (ے ) کے حتمی گلیف پر وہ نقطے جو ‘ یے بڑی ‘ کی شکل کے اوپر ہیں ایک مسئلہ ہیں ۔ اس مسئلہ کو حل کرنے کے لیے ان نقطوں کو افقفی لکیر کے نیچے لکھا گیا ہے۔ جیسا کہ تصویر نمبر 15 میں دکھایا گیا ہے۔

ان مُشاہِدات کے تحت نقطوں کو ٹکراؤ ختم کردیا گیا ہے

• حتمی حروف کے نقطے کی پوزیشن میں تبدیلی نہیں کی جاتی ۔
• علحیدہ حروف کے نقطے کی پوزیشن میں تبدیلی نہیں کی جاتی ۔
• د U+0639 اور ز U+0638 کی پوزیشن میں تبدیلی نہیں کی جاتی ۔
• اولین حروف کے نقطے کو ان کی اصلی پوزیشن میں رکھنے پر فوقیت سی جاتی ہے
• وہ نقطے جو ہمسایہ حروف سے ٹکراتے ہیں ان ہر ایک کی صُورت حال کے مطابق علحیدہ علحیدہ حل کرتے ہیں
• نقطوں کے ٹکراؤ کےحل میں نقطوں کی پوزیشن کو سیدھی طرف لانے کو فوقیت دی جاتی ہے۔
• اگر نقطہ بعد کے حرف سے ٹکراتا ہے یا گڑبڑ کرتا ہے تو بجائے افقی ، اس کو اوپر یا نیچا کردیتے ہیں

3. نتائج اور مباحثہ

اردو میں بیس ہزار سے ذیادہ لگیچر ہیں ۔ اس بیس ہزار لگیچر کے مخزن میں سے تجربہ کے لیے سات ہزار لگیچرز سیمپل بےترتیبانہ چنے گیے۔ ڈیٹا کو سیاقی متبدل ترچھے جوڑ اور نقطے کی پوزیشن کے لیے جانچا گیا۔

جانچ کا معیار

• متبادل گلیف صحیح ہے
• گلیفس کے درمیان smooth ترچھا پن ہے
• دوسرے نقطہ یا دوسرے گلیف کی حد سے ٹکراؤ بغیر نقطہ کو رکھا گیا ہے۔

ان ٹسیٹ کے نتاٰئج جدو ل نمبر 5 میں دیے گئے

4 . مسقبل میں بہتری

اس ریسریچ کی بنیاد پر اومیگا کو اردو نستلعق کی ادائیگی کے استعمال میں ان چیزوں میں کو بہتر کیا جاسکتا ہے:

• اعراب کی سپورٹ
• لگیچر کے درمیان متناسب فاصلہ
• سطریں کی صحیح مناسبت
• نقطہ رکھنے کی جگہ کی بہتری

اکنالیجمنٹ
ہم نفیس نستعلیق فونٹ کی تخلیق ٹیم کے شکر گزار ہیں اور خاص طور پر خطاط مسٹر جمیل الرحمان جنہوں نے اس فونٹ کے لیے خوبصورت گلیفس تیار کیے ۔ اس فونٹ کی خوبصورتی نے ہمارے دلوں میں اس بات کا اشیاق پیدا کیا کہ ہم اومیگا کے ذریعہ لنیکس میں نفیسں نستعلیق کی ادائیگی کریں۔

Continue reading »]]> اس پوسٹ میں فونٹ بنانے کے عربی کے اس ٹیوٹوریل کو اردو یا انگریزی میں ترجمہ کرنے کی درخواست کی گئی ہے جس پر لبیک کہتے ہوئے میں نے اس ٹیوٹوریل کا اردو ترجمہ کرنے کی کوشش کی ہے، مجھے یاد پڑتا ہے کہ اس سے پہلے بھی کسی نے مجھ سے اسی ٹیوٹوریل کے ترجمہ کی بات کی تھی مگر یہ یاد نہیں آرہا کہ وہ کون صاحب تھے، میں اس پر یقین رکھتا ہوں کہ جب تک مترجم کو بات کی سمجھ نہیں آئے گی تب تک وہ ترجمہ کے ساتھ انصاف نہیں کرسکتا بلکہ کر ہی نہیں سکتا، میرے ساتھ بھی کچھ یہی معاملہ ہے.. میں فونٹ سازی سے بالکل نا بلد ہوں اس لیے اس ٹیوٹوریل کا ترجمہ کر کے شاید میں نے بے وقوفی ہی کی ہے کہ اکثر باتوں کی سرے سے سمجھ ہی نہیں آئی.. اگر فونٹ سازی سے کچھ المام ہوتا تو یہ کام بہت آسان ہوتا کیونکہ سمجھ آرہا ہوتا کہ کیا کہا جارہا ہے.. اس کے با وجود یہ ترجمہ اس لیے کردیا کہ آخر محفل کو بھی تو اپنے عربی دانوں سے کچھ فائدہ ہو کہ ایسے علم کا فائدہ کیا جس سے کسی اور کو کوئی فائدہ نہ پہنچ سکے..!؟

چنانچہ میری نا بلدی کو مدِ نظر رکھتے ہوئے اس ٹیوٹوریل کی غلطیوں سے در گزر فرمائیں.. اگر کہیں کوئی غلطی ملے تو انتظامیہ اور فونٹ کے ماہرین کو اجازت ہے کہ وہ اس میں ترمیم کردیں تاکہ آخر میں ہمیں ایک اچھا ٹیوٹوریل ملے جس سے نئے فونٹ سازوں کو فائد پہنچ سکے..

نوٹ: ٹیوٹوریل اس بات کو مدِ نظر رکھ کر لکھا گیا ہے کہ آپ پہلے سے ہی ایک گریفک ڈیزائنر ہیں خاص طور سے Vector کے اطلاقیوں جیسے کورل ڈرا اور السٹریٹر سے اچھی طرح واقف ہیں، ‘میں’ کا صیغہ میرا نہیں بلکہ مصنف کا ہے جن کا نام ‘حسن’ ہے چنانچہ کسی کو یہ غلطی فہمی نہ ہو کہ میں بات کر رہا ہوں، اس کے علاوہ جو وعدے اور وعیدیں کی گئی ہیں وہ بھی انہی کی ہیں میری نہیں.

———————————————

کیا آپ اِن ڈیزائن استعمال کرتے ہیں؟ یا آپ ایک گریفک ڈیزائنر ہیں جو Vector کے اطلاقیوں پر کام کرتے ہیں، تو آپ ہی ہیں جسے ہم تلاش کر رہے ہیں یہ کہنے کے لیے کہ نئے فونٹ بنا کر اپنی عربی زبان کی خدمت کیوں نہیں کرتے جو نہ صرف آپ کے کام میں ایک بہترین اضافہ ہوگا بلکہ آپ انہیں دوسروں کے ساتھ بھی شیئر کر سکیں گے؟ یا آپ اپنے پاس موجود فونٹس سے اکتا گئے ہیں اور تبدیلی چاہتے ہیں تو اپنے فونٹ خود بنا کر ہم سے شیئر کیوں نہیں کرتے؟ اگر آپ تیار ہیں تو جان لیں کہ یہ بہت آسان ہے، اس کے لیے صرف وکٹر کی جانکاری ضروری ہے، اپنا پسندیدہ فونٹ بنانے کے لیے آپ کے پاس بہت سارے آپشن ہیں اور یہاں ہم سفر کی شروعات میں ہیں، اگلے حصے میں ان شاء اللہ ہم ڈیزائنز کو کاغذ سے FontScan کے ذریعے گریفکس میں بدلنا سیکھیں گے لیکن آج ہم براہ راست فیصلہ کن اور زیادہ مفید کاروائی کریں گے، چنانچہ آپ کو یہ کرنا ہے:

فونٹ لیب FontLAB ڈاؤنلوڈ کریں.

جس فونٹ پر ہم یہ درس دیں گے اسے ڈاؤنلوڈ کریں:

http://www.hacen.net/temp/Mothhel Font Lesson.zip

آپ کے پاس ایڈوبی Illustrator ہے؟ میرے پاس CorelDRAW ہے مجھے تو Illustrator لفظ کو منہ سے نکالنے سے ہی نفرت ہے لیکن ہمارا مقصد ایک ہے یعنی فونٹ کے ڈیزائن کو Vector Outlines میں پراسس کرنا جس کے لیے ہمیں صرف Bezier پر دسترس اور اسے دائیں بائیں ہلانے کی ضرورت ہے اور یہی کام Illustrator کرتا ہے اور CorelDRAW اس سے کہیں تیز، آسانی اور خوبصورتی سے کرتا ہے…

بہرحال، ہمارے پاس Letter سائز کا ایک صفحہ ہے اور ایک ڈیزائن ہے یا کسی فونٹ میں لکھا ہوا کوئی لفظ کہ ہمارا اس وقت مقصد فونٹ بنانا سیکھنا ہے اسے ڈیزائن کرنا نہیں.. تو ڈیزائن کو اس طرح صفحہ میں بھرا ہوا ہونا چاہیے جیسا کہ ذیل میں نظر آرہا ہے:

ہمارے پاس جو ڈیزائن ہے وہ تین حصوں پر مشتمل ہے: حرف (خ) اور اس کا جوڑ یا کشیدہ ( – ) اور حرف (ط)، ایک عربی فونٹ بنانے کے لیے یہ ضروری ہے کہ پہلے حروف کو جوڑنے والی بنیاد بنا لی جائے جو کہ عربی لفظ کے سیدھے یا مستقیم ہونے کی بھی ذمہ دار ہے، چنانچہ ہم یہ بنیاد دونوں حروف کو کاٹ کر یا الگ کر کے بنائیں گے:

اور یہ رہی وہ بنیاد جسے ہم تمام حروف کو آپس میں جوڑنے کے لیے استعمال کریں گے، یہاں ہم ایک نسخی سطری قسم کا فونٹ بنا رہے ہیں:

وکٹر اطلاقیے کا کام یہاں ختم ہوتا ہے، ہم برآمد Export کا آپشن منتخب کریں گے، ذیل میں کورل کی ونڈو ہے جبکہ السٹریٹر میں کہاں ہے مجھے نہیں معلوم اور نہ ہی مجھے جاننے کا شوق ہے:

ہم معتمد اور بہتر گریفک فارمیٹ منتخب کریں گے جو کہ EPS ہے، کورل میں Selected Only کے آپشن کو منتخب کرنا لازمی ہے تاکہ پورا صفحہ نہ برآمد ہوجائے:

اس درس کا فونٹ Mothhel Font Lesson اتارنے اور اسے ان زِپ کرنے کے بعد ہم اسے فونٹ لیب میں کھولیں گے:

پہلی نظر میں آپ کو لگے گا کہ شاید فونٹ لاطینی ہے لیکن دائیں طرف موجود سکرول بار کے ذریعے نیچے جائیں:

آپ دیکھیں گے کہ لاطینی حروف کے بالکل نیچے عربی حروف بھی موجود ہیں، ہم مثلاً طاء پر کام کریں گے:

لیکن مزید نیچے آئیں کہ اوپر کے حروف Isolated Glyphs ہیں، ہم ذیل میں حروف کے پورے سیٹ یعنی مکمل اشکال پر کام کریں گے اور (ط) منتخب کریں گے:

اس پر دو دفعہ کلک کرنے پر یہ حرف Glyph کی ونڈو میں کھل جائے گا:

فونٹ لیب کے Glyph کے مینیو سے Import From EPS منتخب کریں گے:

طاء آگئی:

ہم فونٹ میں موجود پہلے والی طاء کو حذف کردیں گے اور نئی طاء کو منتخب کریں گے، اب Tools کے مینیو سے Transform منتخب کریں گے:

اس عمل کا مقصد طاء کو حسابی طریقے سے درست جگہ پر لانا ہے، یہ عمل ہم ان تمام حروف پر لاگو کیا جائے گا جو داخل کیے جائیں گے اور وہ بھی ذیل کی ویلیوز سے:

Transformation کی ونڈو ظاہر ہونے پر ہم Contour پھر Shift منتخب کریں گے اور ذیل کی ویلیوز یا قدریں داخل کریں گے:

450- منفی چار سو پچاس Horizontal Shift کے لیے.
850- منفی آٹھ سو پچاس Vertical Shift کے لیے.

اور اسے او کے کردیں گے:

طاء کو مناسب جگہ پر رکھ دیا گیا ہے، یہی حساب کتاب اگلے تمام حروف کے لیے دہرایا جائے گا، یہاں بہتر ہوگا کہ ہم حرف کے ارد گرد کے علاقے کا تھوڑا سا جائزہ لے لیں:

جیسا کہ آپ اوپر کی تصویر میں دیکھ رہے ہیں:

١- دائیں طرف کی لائن مطبوعہ متن میں طاء اور اس سے پہلے والے حرف کے درمیان فاصلے کا تعین کرتی ہے.

٢- اوپر کا خلا تشکیل کی علامات کے لیے خالی ہے تاکہ تشکیل لگانے کی صورت میں ان کے لیے مناسب جگہ موجود ہو.

٣- بائیں لائن جو متن میں طاء کے بعد آنے والے حرف کے درمیان فاصلہ ہے.

۴- بنیاد یا بیس لائن جو کہ سرخ رنگ میں ہے اور عربی حرف کے ڈھانچے یا جسم کے محلِ وقوع یا جگہ کا تعین کرتی ہے.

۵- ذیلی یا نیچے کا خلا جسے تشکیل کی علامات کے لیے چھوڑنا لازمی ہے اس کے علاوہ یہ راء یا حاء جیسے حروف کے لیے بھی ضروری ہے جو نیچے کی طرف مڑ جاتے ہیں.

اب ہم طاء کے شروع اور آخر میں خلا کم کرنے کے لیے دائیں اور بائیں حدوں یا لائنوں کو اندر کی طرف حرکت دیں گے تاکہ فونٹ کے حروف ایک دوسرے سے دور نہ لگیں:

متصل طاء ( ـطـ ) یعنی جملے کے درمیان آنے والی طاء میں ہم دائیں اور بائیں لائنوں کو حرف کے کناروں پر رکھیں گے تاکہ حرف کسی دوسرے متصل حرف کے ساتھ اچھی طرح جُڑ سکے:

جملے کے آخر میں آنے والی طاء ( ـط ) کے آخر یا بائیں کنارے میں ہم خلا دیں گے اور دائیں لائن کو حرف کے کنارے پر رکھیں گے اور اس کے بالکل برعکس عمل ہم جملے کے شروع میں آنے والی طاء ( طـ ) کے ساتھ کریں گے:

نوٹ کریں کہ تشکیل کی دو نہیں صرف ایک حد ہے کیونکہ یہ کسی حرف کو کوئی حرکت دیے بغیر اس کے نیچے یا اوپر لگتے ہیں چنانچہ یہ خارج از حدود ہیں یعنی ان کی صرف ایک ہی حد ہے تاکہ لگانے پر یہ بغیر حرکت کے، لگنے والے حرف میں مدغم ہوجائے، اس فونٹ میں تشکیل بالکل ٹھیک اور مرتب ہے تاہم اگر آپ دیکھیں کہ ان میں سے کوئی کسی حرف پر درست نہیں بیٹھ رہا تو آپ اسے اوپر یا نیچے حرکت دے سکتے ہیں.

فونٹ کی تیاری کا درست طریقہ یہ ہے کہ اسے نیچے سے دائیں سے بائیں شروع کیا جائے، چنانچہ ہمیں (لا) سے شروع کرتے ہوئے آگے بڑھنا چاہیے:

اوپر ہم نے رومن حروف کے بالکل نیچے آنے والے عربی حروف کو نظر انداز کیا تھا جو Isolated Glyphs کہلاتے ہیں، یہ اضافی طور پر بعض ایسے اطلاقیوں میں استعمال ہوتے ہیں جو فونٹس کے کچھ خاص صیغے سپورٹ کرتے ہیں، ہمیں صرف اتنا کرنا ہے کہ فونٹ بنا لینے کے بعد نیچے سے مکمل حروف اٹھا کر انہیں ان سے بدل لینا ہے.

تمام Glyphs کو دیکھنے پر شاید ہمیں کوئی حرف اندر سے ‘خالی’ نظر آئے:

اس کی وجہ یہ ہے کہ حرف کا اندر کا حصہ چپکا ہوا نہیں ہے، یعنی کوئی نقطہ دوسرے کے اوپر ہے، اس کا حل انتہائی آسان ہے، ہم نقطے کو حرکت دے کر اسے اس کی اپنی جگہ پر واپس لے آئیں گے اور فونٹ لیب انہیں آپس میں مدغم کردے گا:

فونٹ لیب میں کوئی فونٹ کھولنے پر آپ کو Glyphs پر بہت سارے نقطے نظر آئیں گے:

یہ نقطے حرف کی قطع وبرید اور اسے درست کرنے کے عمل کو مشکل بنا دیتے ہیں، اس کا حل یہ ہے کہ حرف یا اس کے آس پاس رائٹ کلک کریں پھر Outline اور پھر To Type 1 Curves منتخب کریں جس سے وہ تمام چھوٹے نقطے غائب ہوجائیں گے اور صرف اصل نقطے ہی باقی بچیں گے:

فونٹ لیب میں بہت خوبصورت فنکشن ہیں جیسے Glyphs کو بہتر اور سوفٹ بنانا (Glyphs ڈیزائننگ) Tools کے مینیو سے Transform منتخب کریں جس سے Transformation کی ونڈو نمودار ہوجائے گی، اس میں Contour اور اس کے ذیل میں Optimize منتخب کریں:

اس کے علاوہ کچھ ایفیکٹس بھی ہیں جنہیں Glyphs پر اپلائی کیا جاسکتا ہے جیسے فونٹ بولڈ کرنا اس کے لیے Transformation کی ونڈو سے Effects اور پھر Bold منتخب کریں (منفی کی علامت ڈال کر فونٹ کو پتلا بھی کیا جاسکتا ہے):

بہتر یہی ہے کہ ان ایفیکٹ کا استعمال فونٹ کی تکمیل کے بعد ہی تمام Glyphs کو منتخب کرکے ایک ہی بار ان پر ایفیکٹ اپلائی کیے جائیں تاکہ تمام Glyphs پر تبدیلی ایک ساتھ ہوجائے.
فونٹ کا نام رکھنا بہت ضروری ہے، یہ آپشن File کے مینیو سے Font Info میں ملے گا:

اسے ہم پہلے ہی ایک سابقہ درس میں سمجھا چکے ہیں چنانچہ اس کی تکرار کی ضرورت نہیں.
فونٹ کو TrueType میں بطور تیار فونٹ ایکسپورٹ کرنا بھی اسی سابقہ درس میں سمجھا دیا گیا تھا جو File مینیو میں موجود Generate Font میں ہے:

یقیناً حاء اور خاء اور ان جیسے دیگر ملتے جلتے حروف جن میں صرف نقطوں کا فرق ہوتا ہے کو دوبارہ ڈیزائن کرنے کی ضرورت نہیں، کاپی پیسٹ سے (وہی سابقہ درس دیکھیں) صرف نقطے شامل یا حذف کرنے ہیں لیکن ایک بات یاد رہے کہ پیسٹ کرتے وقت ایک انتباہی ونڈو ظاہر ہوگی اس میں سلیکشن کو ختم کرنے کے لیے Keep replaced symbols under new names منتخب کریں تاکہ فونٹ لیب نئے متبادل Glyphs نہ بنا دے جس سے فونٹ کی پروگرامنگ خراب ہوجاتی ہے:

اگلے درس میں ہم خالصتاً فنی طریقے سے فونٹ ڈیزائننگ سیکھیں گے اور FontScan کے استعمال پر نظر ڈالیں گے، اس کے علاوہ عربی طباعی خط کی ڈیولپمنٹ کے کچھ پروفیشنل امور بھی زیرِ بحث لائیں گے اور OpenType ٹیکنالوجی سے استفادہ حاصل کریں گے، ساتھ ہی ہم خاص حروف کو کسی خاص فونٹ فائل میں شامل کرنا یا مرکب حروف بنانے کے لیے Glyphs بڑھانا اور دیگر امور پر گفتگو کریں گے.

Continue reading »]]>

اقتباس:

سب سے پہلے آپ کو فونٹ کریٹر5.5 بمع لوازمات کے درکار ہوگا اس کےے بعد کے مراحل کچھ اس طرح ہونگے 1ـ آپ اس عربی فانٹ کو اس پروگرام میں کھول لیں 2ـ کوئی سا ایسا یونی کوڈ فونٹ جس میں اردو سپورٹ موجود ہو اسے بھی اس پروگرام میں کھول لیں 3ـ دونوں فونٹس کو متوازی دریچوں﴿ونڈوز﴾ میں ترتیب دے لیں 4ـ اب عربی فونٹ کے گلائفس کو ایک ایک کر کے مائوس کی مدد سے کلک کر کے کاپی کریں اور اردو فونٹ کے مطلوبہ گلائفس پر کاپی کرتے جائیں اور اس طرح آپ تمام عربی حروف کی اشکال اردو فونٹ میں کا پی کر لیں گے گلائفس کو کاپی کر نے کے لیے آپ کو کسی گلف پر ماوس کے سنگل کلک کے بعد کنٹرول سی سے کاپی کرنا ہے اور دوسرے فونٹکے مطلوبہ گلف پر سنگل کلک کے بعد کنٹول وی سے پیسٹ کرنا ہے 5ـ اردو سپورٹ والے حروف کے لیے آپ کو کچھ یوں کرنا ہوگاـــــــــــــــــــــ ــ اس حصہ کو دھیاں سے پڑھیں مثلا آپ نے حرف “ڈ” کا گلائف بنانا ہے تو سب سے پہلے آپ عربی فونٹ میں موجود “د” کے گلائف کو کاپی کر کے اردو کے “ڈ” والے گلائف میں پیسٹ کر دیں اب آپ کے پاس ﴿ڈ﴾ کی بجائے ﴿د﴾ مہیا ہو گیا اس کو “ڈ” بنانے کے لیے ایک مرتبہ پھر عربی فونٹ کی جانب متوجہ ہوں اور حرف”ط” کے گلف پر مائوس کے ذریعہ ڈبل کلک کریں اس طرح گلائف اوپن ہو جائے گا آپ اس میں سے حرف “ط” کو پورے کا پورا منتخب کر کے کنٹرول سی کے ذریعہ کاپی کر لیں اور گللف کو کلوز کردیںـ اس کے بعد دوبارہ اردوفونٹ کے حرف ﴿ڈ﴾ والے گلف کی طرف متوجہ ہو جائیں جہاں آپ نے پہلے حرف ﴿د﴾ کاپی کیا ہوا ہے اس گلف پر ایک مرتبہ پھر ڈبل کلک کریں اور اس گلف کو اوپن کر لیں اوپن کرنے کے بعد کنٹرول وی کے ذریعہ اس میں حرف”ط” کو پیسٹ کر دیں پیسٹ ہونےے کے بعد آپ کو حرف “ط” منتخب شدہ صورت میں ملے گا اس کو آپ کونے والے ہنڈل سے پکڑ کر کھینچ تان کر چھوٹا کر لیں اور پہلے سے موجود ﴿د﴾ کے اوپر مناسب سائز میں اسطرح رکھ لیں کے وہ ﴿ڈ﴾ بن جائے اب اس گلاف کو کلوز کر دیں اب آپ کے پاس ایک اردو حرف “ڈ” موجود ہو گیا اس حرف گلف میں آپ نے حرف “ط” کو ری سائز کر کے ڈالا تھا اس “ط” کو کا پی کر لے اور دوسرے اردو حروف کی تشکیل کے لیے اسی کو استعمال کریں تاکہ یکسانیت رہے اسی طرح حروف پ، چ، وغیرہ کی تشکیل بھی ہوگی اس کے لیے عربی کے “ب” کو لیں اردو کے “پ” کی جگہ پر کاپی کریں اور اس گلاف کوکھول کر “ب” کے نقطہ کو منتخب کر کے کاپی کریں اور دو مرتبہ پیسٹ کر کے “پ” کے تین نقاط کی صورت میں ترتیب دے کر پ بنا لیں تھوڑی محنت کے بعد آپ یہ کام کر لیں گے اور اردو فونٹ تیار ہو جائے گااللہ آپ کو کامیاب کرے ﴿شاکرالقادری، بشکریہ اردو محفل﴾

__________________
جہانِ قلم :: رنگا رنگ اردو یونی کوڈ فونٹس ڈائون لوڈ کریں :: اگر آپ کے پاس کوئی اردو فونٹ موجود ہے اور آپ اسے جہان قلم پر رکھنا چاہتے ہیں تو فونٹ فائل ارسال کرنے کے لیے یہاں پر دستک دیں

Continue reading »]]> فونٹ سازی سے متعلق اسباق کا یہ سلسلہ ہمارے بہت ہی پیارے دوست عبدالجید نے شروغ کیا ہے جو کہ بہت اچھے فونٹ ڈیولپر ہیں المجید قرآنی فونٹ انہی کا  تیار کردہ ہے

السلام علیکم میرے محترم دوستوں یہ میرا پہلا پوسٹ ہے فانٹ بنانے کے سلسلے میں مجھے امید ہے کہ میرے اردو املا کی غلطیاں آپ سب معاف کریں گے اسکے ساتھ چونکہ میری انگلش بھی کمزور ہے اسلئے اگر ترجمہ کرنے میں کہیں غلطی ہوگئی ہو تو امید ہے کہ وہ بھی معاف کردیں گے۔ دوستوں فانٹ بنانے کا فن بہت بڑا فن ہے اور میرا یہ اعتراف ہے کہ اس فن سے میں مکمل واقف بھی نہیں ہوں لیکن اپنی کشتی کو سمندر کنارے تک لیجاسکتا ہوں اگر میں یہ کہوں*کہ میرے اس ٹوٹوریل کے ختم ہونے پر آپ فانٹ بنانا مکمل سیکھ جائیں گے تو یہ غلط بیانی ہوگی البتہ مجھے یقین ہے کہ آپ سب دوست فانٹ بنانے کے بارے میں اتنا کچھ جان جائیں گے کہ ایک نسخ بیسڈ کا فانٹ آسانی سے بناسکیں گے مصروفیات اور وقت کی کمی کی وجہ سے میں کوشش کرتا رہونگا کہ ہر دوسرے تیسرے دن اس بارے میں کچھ نہ کچھ پوسٹ کر سکوں دوسرا میرا تمام دوستوں سے گذارش ہے کہ اس دھاگہ میں غیر ضروری پوسٹ سے گریز کریں اگر آپ دوستوں کو کوئی مسئلہ ہو تو آپ اسکیلئے یہ دھاگہ استعمال کیجئے گا viewtopic.php?f=122&t=1008&p=5046#p5046 امید ہے کہ آپ دوست صاحبان برا نہیں منائیں گے ایک بار پھر امید ہے کہ آپ سب دوست میرے املا کی غلطیاں*معاف کریں گے ۔
والسلام

دور جدید کے اس موڑ میں دنیا نے ٹیکنالوجی کے میدان میں کافی ترقی کی ہیں یہ ترقیاں مختلف شعبوں میں ہوئی ہیں کمپیوٹر کے میدان میں جو ترقیاں ہوئی ہے وہ بھی کسی سے چھپی نہیں ہے ہر میدان میں ہرشعبے میں جدید سے جدیدتر ٹیکنالوجی استعمال کی جارہی ہے ۔ وہاں مشرقی دنیا میں زبان اور لغت میں بھی کافی ترقی دیکھنے کو ملی ہے جیسا کہ عرب ممالک میں عربی پروگرامز عربک لینکس آپریٹنگ سسٹم عربی خطاطی کے پراگرامز ، اسی طرح ایشیائی ملکوں میں بھی عربی ، اردو ، فارسی، پشتو، سرائیکی، سندھی، پنجابی، براھوی، زبانوں کے سافٹویرز اور فانٹ دیکھنے کو ملتے ہیں۔ پاکستان میں بھی بعض زبانوں کے فانٹس بنانے پر کام ہورہا ہے ۔ آئیے آپ کو بتاتے ہیں کہ فانٹس بنانے کیلئے کونسے سافٹوئیرز استعمال ہورہے ہیں انہیں کیسے استعمال کیا جاتا ہے اور فانٹس بنانے کیلئے کن چیزوں کو سمجھنے کی ضرورت ہوتی ہے ۔سب سے پہلے فانٹ کے اقسام کے بارے میں اور یونیکوڈ یعنی فانٹ کے ہر ایک لفظ کے کوڈ کے بارے میں جانتے ہیں۔

یوں تو مختلف اقسام (فارمیٹس) کی فونٹس ہے لیکن جو یہ مندرجہ ذیل 2 قسمیں ہے یہ سب سے زیادہ استعمال ہوتی ہے اور سب سے اچھی قسم بھی یہی دونوں ہے دونوں کی سپورٹ ایک سے ایک بڑھ کر ہے
TrueType
TrueType فانٹ ایک ابھرتا ہوا فانٹ ٹیکنالوجی ہے جو کہ ایپل کمپیوٹر ز نے بنایا ہواتھا اور اب مایکروسافٹ اور ایپل کمپیوٹرز دونوں اپنے اپنے آپریٹنگ سسٹمز میں استعمال کررہے ہیں۔ TrueType فانٹ آپ کو بہترین کوالٹی میں کمپیوٹر سکرین پر فانٹ کی Visual دیکھاتا ہے جبکہ پرنٹ کرنے کیلئے بھی بہترین کوالٹی فراہم کرتی ہے ساتھ میں آپ کو اچھے ترتیب کے ساتھ اضافی فیچرز بھی فراہم کرتا ہے ۔ آپ TrueType فانٹ کے بارے میں معلومات اس ویب سائٹ پر دیکھ سکتے ہیں
http://www.microsoft.com/typography/otspec/default.htm
OpenType
OpenType فانٹ فارمیٹ بھی TrueType فانٹ ہی کا ایک ایکسٹینشن ہے جو کہ آپ کو پوسٹ سکرپٹ فانٹ کی سپورٹ بھی فراہم کرتا ہے ۔ TrueType فانٹ کو ترقی دینے کا سہرا مایکروسافٹ اور اڈوبی کو جاتا ہے OpenType فانٹ اپنے اضافی خوبیوں کے ساتھ مایکروسافٹ اور میکونتوش دونوں کے آپریٹنگ سسٹمزمیں کام کرسکتے ہیں اس فانٹ میں TrueType فانٹ کے شکل کے ٹیبل بھی موجود ہوسکتے ہے جو کہ فانٹ بنانے والوں کو اس کیسہولت بھی دیتا ہے کہ اچھے ڈیزائن اور انٹرنیشنل لیول کے ساتھ بہترین پرنٹ آؤٹ کی رزلٹ دے سکے ۔ آپ VOLT نام کے ایک سافٹ ویر کو اپنے TTF بیسڈ فانٹ کو OTF بیسڈ پر اپگریڈ کرنے کیلئے استعمال کرسکتے ہیں VOLT نامی یہ سافٹ ویر OpenTypeفانٹ کے فیچرز کو آپ کے TrueTypeفانٹ میں ایڈ کرتا ہے۔ اضافی معلومات کیلئے یہ ویب سائٹ دیکھئے۔
http://www.microsoft.com/typography/…lt/default.htm

Unicode Standrad
یونیکوڈ سٹینڈرڈ ایک بین الاقوامی معیار کا علامتی کوڈ ہوتا ہے جو کہ کمپیوٹر میں موجود فانٹ میں الفاظ کو پہچانے کیلئے استعمال ہورہاہے ۔یونیکوڈ لفظ کو پہچان نے کا ایک مخصوص کوڈ اور نام ہوتا ہے یونیکوڈ علامات تین مختلفBit میں ہے۔ ایک 32-Bit کی حالت میں ہے جسے UTF-32 کہا جاتا ہے دوسرا 16-Bit حالت میں جوکہ UTF-16 ہے جب کہ تیسرا 8-Bit ، جو کہUTF-8 ہے ان میں سے 8-Bit,یعنیUTF-8 ، byte-oriented ہے جوکہ ڈیزائن کیا گیا ہے ASCII بیسڈ سسٹمز کے ساتھ آسان استعمال کیلئے اور عام طور پر UTF-8 ہی استعمال ہورہاہے ۔یونیکوڈ سٹینڈرڈ کومکمل طور پر جاننے کیلئے اسکی ایک کتاب بھی ہے جس کے بعض حصے اس سائٹ پر دستیاب ہیں http://www.unicode.org/charts جبکہ آپ اسکے بارے میں آپ اضافی معلومات اسی ویب سائٹ پر دیکھ سکتے ہیں۔

Font Creator
یوں تو سی ڈیز اور انٹرنیٹ پر فانٹس بنانے کیلئے کئی سافٹ ویرز موجود ہے جیسے Font Lab, Font Creator, Asian Font Studio اور انہی جیسے کئی اور چھوٹے بڑے سافٹوئیرز لیکن میں جس پروگرام کے بارے میں آپ کے ساتھ معلومات شیئر کررہاہوں اسکا نام ہے Font Creator فانٹ کریٹر کے مدد سے ہم بڑی آسانی کے ساتھ OTFاور TTFفانٹ بناسکتے ہیں اور اس کے ذریعے ہم کسی بھی فانٹ میں تبدیلیاں کرسکتے ہیں مثلا کسی فانٹ میں بعض الفاظ مس ہیں وہ ہم اس میں بناسکتے ہیں ، اپنے ہینڈ رائٹنگ ،بعض تصویروں، دستخط ، لوگوز وغیرہ کو فانٹ میں ڈال سکتے ہیں ، نیز اسکے مدد سے ہم کسی بھی فانٹ کو رینیم کرسکتے ہے نئے الفاظ بناسکتے ہیں فانٹس کو بولڈ اور اٹیلک کرسکتے ہیں فانٹ کو فائنل کرنے سے پہلے ٹیسٹ کرسکتے ہے اورنئے فانٹ کو وینڈوز میں انسٹال کرسکتے ہیں۔فانٹ کریٹر میں ہم دو طریقوں سے نئے فانٹس بناسکتے ہیں اول یہ کہ ہم کسی اچھے خطاط سے فانٹ کے Glyps لکھ کر اسکین کرلیں اور اسے فانٹ کریٹر میں انسرٹ کرلیں دوم کسی ایسے سافٹ ویر میں فانٹ کے Glpys بنائے جو کہ لائن ورک کو مکمل سپورٹ کرتا ہو جیسے کہ کورل ڈار ،اڈوبی الیسٹریٹروغیرہ ان سافٹ ویر میں فانٹ کے Glyp بنانے کے بعد اس الفاظ کو آپ ڈائریکٹ کاپی پیسٹ کے ذریعے سے اور کسی تصویری فارمیٹ میں ایکسپورٹ کرکے فانٹ کریٹر میں لاسکتے ہیں۔لیجئے تو اب فانٹ کریٹر میں کام شروع کرلے تھے ہیں سب سے پہلے تو آپ فانٹ کریٹر کو اس ویب سائٹ سے ڈاؤنلوڈ کرلیںhttp://www.high-logic.com/fontcreator یہ 30دن کا ٹرائل ورژن ہوگا جو مکمل فنکشن کے ساتھ 30 دن تک کام کریگا 30 دن کے بعد یہ ایکسپائر ہوجائے تب یہ آپ کی مرضی کہ آپ اس کو خرید لیتے ہیں یا آپ کا کام مکمل ہوچکا ہے ڈاؤنلوڈ کرنے کے بعد اسے انسٹال کرلیں اسکی انسٹالیشن بہت سمپل ہے انسٹال کرنے کے بعد فانٹ کریٹر کو سٹارٹ کرلیں سٹارٹ ہونے کے بعد یہ آپ سے کہے گا کہ یہ ایک ٹرائل ورژن ہے آپ فی الحال ٹرائل ورژن استعمال کرلیں اور ایک بات یاد رکھئیے گا کہ میں جس ورژن سے آپ کو اسکا استعمال کا طریقہ بتا رہاہوں یہ ورژن 5.6 ہے اور فی الحال یہی ورژن ڈاؤنلوڈ کیلئے دستیاب ہے

عربی (اردو، فارسی ، پشتو، پنجابی ، سندھی ، سرائیکی ، وغیرہ) فانٹ بنانے کے تین مراحل ہوتے ہیں
(1) فانٹ کے کریکٹرز ڈیزائن کرنا (یعنی فانٹ کی خطاطی کرنا)
(2) فانٹ کو گلپس کے شکل میں تبدیل کرنا ، یونیکوڈ ویلوز دینا ، فانٹ گلپس کی نیمنگ کرنا ، فانٹ کے اوپر نیچھے سپیس کا تعین کرنا ، فانٹ کو بولڈ یا اٹیلک شکل دینا ، مطلب کہ فانٹ کریٹر کا کام ہے دوسرے مرحلے میں
(3) آخری مرحلے میں آپکو فانٹ کی پروگرامنگ کرنی ہوتی ہے مایکروسافٹ وولٹ میں اس میں ٹیبل بنانے ہوتے ہیں جس کیلئے رجسٹرڈ قدریں (ویلوز) ہوتے ہیں اسکے علاوہ اسی پروگرامنگ ہی کے ذریعے آپ نستعلیق فانٹ بھی بناسکتے ہیں لیکن وہ اڈاونس فانٹ پروگرامنگ ہے جس کے بارے میں بھی انشاءاللہ آپکو بتادیا جائے گا
پہلے میں آپکو فانٹ کریٹر کے استعمال کے بارے میں بتادیتا ہوں کہ ایک عربی (اردو، فارسی ، پشتو، پنجابی ، سندھی ، سرائیکی ، وغیرہ) فانٹ بنانے کیلئے فانٹ کریکٹر کو کیسے استعمال کیا جاسکتا ہے