Continue reading »]]> نام : سید ارتضی حسن رضوی

میرا تعلق کراچی سے ہے اور عمر تقریبا اڑتیس سال، میں نے کامرس میں گریجویشن اور کمپیوٹر سائنس میں دو سال کا ڈپلومہ انیس سو چھیاسی میں پیٹرومین سے کیا وہ زمانہ فوکس پرو کا تھا اب تو اس زمانے کے سافٹ ویئر استعمال بھی نہیں ہوتے، بہر حال اس کے بعد میں عملی میدان میں مارکیٹنگ ریسرچ کے شعبہ میں داخل ہوا جس کمپنی میں جاب ملی وہ مشہور زمانہ لیور برادز تھی جو اب یونی لیور کے نام سے مشہور ہے پانچ سال تک اس کمپنی میں مارکیٹنگ ریسرچ کے شعبہ سے وابستہ رہنے کے بعد آخری پروجیکٹ جو میں نے سپروائز کیا وہ والز آئس کریم تھی جس کا سینسز ہم نے پورے ملک میں کیا، اسکے بعد میں نے اس کمپنی سے ریزائن کردیا اور فنانس کےشعبہ میں ایک اور ملٹی نیشنل کمپنی کیڈبری کو جوائن کیا ایک سال نہ گزرا تھا کہ دینی مطالعات اور میری والدہ کی منت کی وجہ سے جو انہوں نے کربلا معلی میں مانی تھی کہ “میرا ایک بیٹاعلم دین سے وابستہ ہوجائے” میں نے اندرونی انقلاب کی کفیات مشاھدہ کرنی شروع کردی اور دین کی طرف توجہ اور دلچسپی بڑھتی ہی چلی گئ گرچہ میری والدہ نے مجھ سے اس بات کا ذکر نہیں کیا تھا۔ انیس سو پچانوےمیں اعتکاف میں شرکت کے دوران آخر کارعلم دین کے حصول کا ارادہ کیا اور حوزہ علمیہ قم میں ایڈمیشن کی درخواست دی جو کچھ عرصہ میں منظور ہوئی اور میں قم چلا گیا یہ فیلڈ میرے کیرئیر سے بالکل الگ تھی اب علم دین کے حصول کا آغاز ہوگیا، عربی، فارسی گرامر، بلاغت ،بدیع،منطق،فلسفہ،تاریخ،عق ائد،ادیان و مذاھب، سیاست، تفسیر ،علوم قرآں، علم حدیث و درایہ و بہت سارے دیگر علوم حاصل کیئے اور نو سال کےعرصے میں ایم فِل کے مرحلہ تک علم دین حاصل کرنے کے بعد دو ھزار پانچ کے زلزلہ کا سننے کے بعد اس خطے کے باسیوں کی خدمت کے جذبہ سے اپنی وائف جو عالمہ بھی ہیں کے ہمراہ مظفرآباد پہنچ گیا، یہاں پہلے دو مہینہ تو زلزلہ سے متاثرین کی مدد اور خدمت ہی کرتے رہے جو کچھ ہوسکتا تھا کیا، قیامت صغریٰ کو بہت نزدیک سے دیکھا، کشمیری لوگ اولیاء سے متمسک ہیں کیونکہ میر سید علی ھمدانی کے ذریعہ یہاں اسلام پہنچا اور انکی خشت اول ہی میں اولیاء سے تعلق لکھا گیا۔ بہر حال میں نے احساس کیا جو سب سے اہم کام ہمارے ملک میں ہونے والا ہے وہ شعور کی بلندی ہے ۔لوگ اصل اسلام کو چھوڑ کر فرقہ پرستیوں اور نفرتوں کا شکار ہیں اور یہ صرف اور صرف جہالت کی وجہ سے پے اور اکثرغلط قسم کی مفاد پرست ملا اسی راہ سے مسلمانوں کو گمراہ کرتے ہیں اور نفرتوں کے بیج بوتے ہیں تعلیم یافتہ طبقہ میں اس قسم کے ملا کامیاب نہیں ہو پاتے کیوں کہ وہاں کیوں اور کیسے کا سامنا کرنا پڑتا ہے؟ اور اِن لوگوں کے پاس فتووں کے علاوہ کچھ نہیں ہوتا لہذا کیوں اور کیسے والے افراد سے یہ بھی دور رہتے ہیں اور وہ بھی ان سے دور بھاگتے ہیں ۔ لہذا اگر بنیادی طور پر ملک کے اس گھمبیر مسئلہ کو حل کرنا ہے تو علم اور معرفت کا فروغ ہی سب سے اہم حل نظر آتا ہے۔ علامہ قبال جیسے متفکر علماء اور عرفاء جو قرآن اور تفسیر سے الہام کے علاوہ کوئٰ بات نہیں کرتے تھے انکو دین میں یہ نفرتیں اور کفر کے فتوے نظر نہ آئے لیکن یہ مفاد پرست علماءدین کی جو تفسیر کررہے ہیں وہ صرف یہ ہے کہ ہم صحیح ہیں باقی سب جہنمی ہیں پھر خدا ک رحمان و رحیم اور نبی ص کا رحمت للعالمین ہونا کیا معنی رکھتا ہے؟ معذرت کے ساتھ یہ ہم مسلمانوں کا دردِ دل ہے جو مخلص لوگوں کے سامنے چھلک پڑتا ہے،

القلم اور اس ویب سایٹ سے آگاہی مجھے کچھ عرصے پہلے ہوئی اور میں نے اردو دان طبقہ کی خدمت کے علاوہ خاص قسم کا اخلاص اس ویب پر دیکھا جس نے مجھے کھینچا اور میں باوجود یہ کہ اس فیلڈ سے اب تعلق توڑ چکا تھا خدمت خلق کے جذبہ کے تحت حاضر ہوں ۔

آپ سب سے التماس دعا ہے ، خداوند شاکر القادری اور انکے اہل خانہ کو ہر قسم کی مصیبت اور بلا سےمحفوظ رکھے۔
مریم سافٹ ویئر کاپی رائٹڈ ہے اور اسکی قیمت تقریبا پاکستانی ۱۲۰۰ روپے ہے عمدہ سافٹ ویئر ہے لیکن فارسی میں ہے لہذا اردو دان طبقہ کے لیئے کارآمد نہیں ہے

اسی وجہ سے میں نے شاکر القادری صاحب سے مشورہ اور مدد سے اس سافٹ ویئر کے فونٹس کو اردو میں ڈھالنے کا فیصلہ کیا میں برادر کی مدد اور راہنمایی کا بہت شکر گذار ہوں اگر اور لوگ بھی اس کام میں شریک ہونا چاہیں تو خوش آمدید۔
سید ارتضی حسن رضوی

مصنف کے تیار کردہ  تمام فونٹس دیکھنے کے لیے یہاں کلک کریں

Continue reading »]]> نام: اشتیاق علی عطاری
تاریخ پیدائش: 04-04-1988
عمر: تقریبا 22 سال
تعلیم : میٹرک
کہاں پیدا ہوئے : فیصل آباد
موجودہ سکونت: فیصل آباد
پیشہ: گرافکس ڈیزائنر
کس کس شعبہ میں مہارت ہے : گرافکس ، پرنٹنگ، ایڈورٹائزنگ

اب تک تیار کئے گئے فونٹ:6

• القلم شاہ جہاں فونٹ
• القلم شاہ زیب فونٹ
• القلم ٹیلی نار فونٹ
• قادری فونٹ
• خط ثلث سادہ
• خط ثلث کشیدہ

مصف کے تمام فونٹس دیکھنے کے لیے یہاں کلک کریں

Continue reading »]]> نام : عارف کریم

تاریخ پیدائش: ۱،۵،۱۹۸۷

پروفیشن: فانٹ سازی، نیٹ ورکنگ

بچپن سے  ہی اردو  فانٹس ، ٹائپوگرافی و خطاطی کا جنون ہے۔ تایا جان ہمارے شہر کے نامور خطاط تھے۔   اردو یونیکوڈ سے جان پہچان ۲۰۰۱ میں ہوئی اور  انپیج پر مبنی  کلیدی تختے ونڈوز ایکسپی کیلئے  بنائے۔ اس زمانہ میں اردو یونیکوڈ خطوط صرف چند ایک ہی تھے اور انکو بنانے کیلئے ٹولز وغیرہ م آسانی سے مہیا نہ تھے۔ یوں شوق کے باوجود  اسکام کو آگے نہیں بڑھا سکا۔

جنون کا آغاز دوبارہ ۲۰۰۷ میں ہوا جب ورڈ میں ایک اردو ڈاکو منٹ بناتے وقت اردو فانٹس کی ضرورت پڑی اور نیٹ سرچ پر اردو محفل  کا ربط حاصل ہوا۔ اس فارم پر اردو ٹائپوگرافی و خطاطی سے  متعلق بہت سا کار آمد مواد موجود تھا، جسکو استعمال کرتے ہوئے  خاکسار نے  ایک قرآنی فانٹ  (القلم قرآن)  اسکریچ سے تخلیق دیا۔ جبکہ ۲ نستعلیقی خطوط میں ٹیم ورک کیساتھ کام کیا۔

آجکل کالج کی پڑھائی کی وجہ سے فانٹ سازی ترک کی ہوئی ہے۔ البتہ نئے فانٹ سازوں کی رہنمائی کیلئے ہمہ وقت تیار رہتا ہوں۔ القلم جہاں قلم پر ماڈریشن کی خدمات بھی سر انجام دے رہا ہوں۔

عارف